12 أكتوبر 2009

مرق ديـاي & عصـير ليمون

هــاااي

شلونكم شخبااركم

اشتقتلكم :)

قبل جم يوم كنت رايحه بيــت خالتي بنام عندها

اقصد بسهر عندها لان ما انام نقعد نقرق طول اليوم

المهم الساعه 11 بليل قالت خنسوي غدا

لا تستغربون غدا لان بنسهر وماراح تقعد مبجر مايمديها تطبخ وحرام عيالها يردون من المدارس ماكو غدا قتلها اوكي

طبعا احنا مانبي نسويه بس بكون تحضير وباجر اهيا تكمل الباجي

وكان الغدا مرق دياي

انا يوم دريت ضاق خلقي اول شي ماحب المرق وبعدين استغفر الله شكل الدياي قبل لا ينطبخ غصب اتقبله

المهم نبدي بطبختنا البدايه بالمقاديــر

- ديـاي طبعا الكميه المطلوبه و يكون مقصص كل جزء

- معجون طماط ( مو كلمن يحط كل واحد وطبخته عاد :P)

- ثوم

- بهارات ( ملح ، فلفل ، هذا اللي اتذكره الباجي نسيت شنو :P )

- 5 ملاعق كبيـره زيت

- بطاط مقطع

- طماط مقطع

- بصل مقطع

- فلفل مقطع

الطريقــه:

اول شي نحط الدهن بالجدر

ونحط البصل نحمسه لما يسير لونه غامج شوي

عقبها نحط الثوم وبعدين الطماط

الطماط راح يسير ناعم ويكون فيه ماي

فنحط الدياي وفوقه البهارات

بعدين ننطر لما الدياي يسير لونه ابيض و يتشرب الماي الموجود

نحط المعجون وهم نحوس بالدياي فتره

بعدين نضيف البطاط و الفلفل ونصب فوقهم الماي

طبعا هذا مو الشكل النهائي للطبخه

بس هذا الشكل النهائي للتحضير

للأسف ماصورت الشكل النهائي لان كنت نايمه :P

و ع الطعم لا تسألوني ماذقته وبعدين الصراحه ابيتنا نسويه غير مو جذي يعني المكونات تختلف

طبعا التخضير بالكثير قولو يبيله ساعه

بس انا وخالتي قعدنا من الساعه 11 لي 1 الا 5 او 10 واحنا نسوي

ان شاء الله عاد عرفتو الطريقه لاني ما اعرف اشرح:P

واحنا نسوي خالتي طق براسها عصير ليمون

سويناااه بس اللي تعبنا عليه التزيين :P

كنت بقولكم طريقه التزيين بس خالتي قالت لا الحقوق محفوظه :) ودمتمـ

29 سبتمبر 2009

أولها النويصيب ثانيها المقوع

الســلاامـ عليكم
شلونكمـ شخباركمـ
اذا بتسألوني انا حدي مو بخير :(
مادري بشنو ابدي
يلا نبدي بالترتيب
امس ديوان الخدمه دازين مسج ان لازم اراجعهم
اول ما باباتي قالي استانست عبالي توظفت ولا اهوا واختي يضحكون علي قالولي بس حق البيانات
وانا من امس اتحلطم اقول اقعد مبجر عشان بيانات و البيانات كله عندهم
المهم قعدت الصبح ورحنا وطبعا كان زحمه
وغصب لقينا موقف وكان بعيد
ومشينا بالحر :(
و كان زحمه واشوف الاوادم كلهم قاعدين انا عبالي كلهم ماخذين ارقام ناطرين دورهم
قلت بييه شنو بلحق انا
رحت المكان اللي لازم نكون فيه ماتذكر شسمه
اي قبلها باباتي بعدعمري والله مصور كلشي الجنسيه و الجواز و شهاده الميلاد و الشهادهو بطاقتي المدنيه و يمكن الليسن وغرفتي ( خو اهم كل شي يبون عشان بس يطلعون الاوراق ناقصه ومايخلصون :P ) و مودي كلشي يقول عشان مو يردونا يقولون ناسين الشي الفلاني كلشي يايبه و يايب صوره منه
وانا موديه كل صوري لان قالو يبون صور وايد
المهم يوم وصلنا ولا الموظف قاعد
ولا ابوي يعطيه بطاقتي المدنيه
ولا يقول jojo ولا اقوله اي
قالي تخصصج قانون قتله اي
ولا يقول نسبتج 96 قتله مادري :P
وصج انا ادري بالنقاط بس مو محولته بالـ %
المهم ولا يقولي ليش يايه بياناتج كامله
كان ودي اذبحه هني :(
ولا ابوي يقوله انتو امس دازين مسج
ولا يقول اي امس ماكان واصل الـ cd و اليوم وصل
امبي اي شي يعني لما وصل ماقدرو يدزون مسج
وبعدين دام تسجيل بالنت المفروض كل شي يتسجل اول بأول
وانا ميته من القهر هذه البدايه جي الله يستر بعدين
تشاأمت منهم :(
المهم عقبها مايسير نرد خاليين قلت حق باباتي خنروح المستشفى العسكري آخذلي موعد اسنان
لان وايد مدحولي اياه
رحنا طبعا حوسه العياده الخارجه قلنا لا لازم الداخله اول
ونحوس ندور الداخليه ولا يقولون لا الحوادث اول
ورحنا الحوادث خذيتلي رقم ولا 3043
انا شلون شفته 2712 لا تسألوني
شفت الرقم اللي واصلين له ولا 2710 استانست قلت جدامي 2
وصل رقمي ولا ادق على باباتي يلا وصل رقمي وابوي يسأل متى اقوله كا ولا ايي يوريني رقمي
استغربت شنو 300 واحد جدامي وكل الموجودين ما ايون 300 :s
ولا حاطين الاسنان مع العظام هم لا تسألوني شلون
قعدنا شوي ولا اقول حق باباتي مو الا مايسوى علينا ننطر شيخلصهم 300 S:
بعدين قلت خل امر ع البنات اللي تدربت عندهم بالميداني
مريتهم بسـلام
بالرده مخي وين راح مادري
المهم ولا اشوف نفسي بمكان غلط و احمدي كلها نفس الشي و كلها دواوير
المهم انا يوم اضيع ما اخاف اشوه
يوم استوعبت اني مضيعه قلت خل اطلع من هني وجنه هني
المهم
شوي ولا اشوف مكتوب المقوع
وانا انصدمت هاا شنو المقوع اول مره اسمع فيها
ولا الشكل جنه الحدود
طبعا هني مت خرعه وعلى طول فوق تحت
وهم اخترعت اكثر
كله عبالي اللحين شرطي بيي وراي يقولي ليش كنتي بدشين او ليش رحتي
( متأثره بالمسلسلات وايد :p )
وبعدين طول الطريج و اشوف وراي في شرطي ولالا
المهم وصلت عند المحافظه ارتحت
وبعدين رديت بيتنا سالمه غانمه
و اليومـ من أووله مادري شلون ساير :(
مادري مصبحهه بويه منو :P
و مرهـ كنت بروح حق البنات بعد وكله امشي سيــده
سيــده مكمله ومافكره اشوف الافتات
شوي ولا اشوف دوريه الشرطي لف كل ويهه ويطالعني انا استغربت قاعده اقول اشوه ان هذا شرطي و جذي
ومكمله طريجي سيده مالي شغل
شوي ولا سياره فيها صبيين جدامي ولا يأشر وين رايحه
ولا هم اقول شفيهم اليوم الحمدلله و الشكر و اكمل سيده
شوي ولا اقرى الافته نويصيب :S
(الشرطي الذكي ليش ما سألني من اول شي وين رايحه بس هم ماله شغل يمكن صج بروح النويصيب بس ليش مادري :P )
المهم ماخفت
وقلت خل اشوف اقرب شي قعدت احوس اشوف وين مكتوب احمدي او طريج الملك فهد او الفحيحيل بس برد بيتنا
و وحده من البنات ادق علي ومارد عليها مابي اقولها اني مضيعه << قويه فديتني :P
شوي ولا القى نفسي بنفس الطريج اللي اروح فيه لهم
ولا اوصل لهم
اول ماوصلت ولا تقولي وينج كل هذا بالطريج ولا اقولها اي ضيعت و صلت نويصيب
وما اسمع الا الزف ايلي من كل صوب
اللحين لازم المره اليايه اقولهم سالفه المقوع
اعتقد بيقولون قعدي ابيتكم مولازم تيين
الله يستر المره الثالثه وين بروح
اولها النويصيب
ثانيها المقوع
سلملمـ

28 سبتمبر 2009

سمــكاتي

السـلام عليكم
شلونكم شخبااركمـ
اليوم باباتي فديته قالي روحي صوري عشان نطلع طبق الاصل على شهادتج
انا عن نفسي ماكنت احب اصور بس من العيد وانا حبيت التصوير
يعني قمت احب اصور و قمت اعبر الجسر اللي بالترفيهيه بدون خوف تطورات بحياتي
ماعليــنااا
المهم
طبعا ماتعبت روحي ورحت مصور له اسمه :P الله يخلي مصور الجمعيه وبعدين قاعده اقول حق روحي اروح مصور و زحمه وانا ابيهم حق بسرعه بسرعه هم مقتنعه و هم ابي اقنع روحي فديتني :$ وانا طالعه اخوي الصوغنن قالي ابي ملابس حق البدنيه
وطبعا بهالحاله مالنا غير جمعيه 3 ويييع ماحبها كلها مافي Parking :(
طلعنا وانا اقول ويع و ويع مابي هالجمعيه
وصلت ولا الحمدلله لا في Parking غريبه بس يـلاا
صورت وقالت ساعه قلت يلا نشتري ملابس البدنيه ونروح متحف الشهداء
خلصنا من النصر ولا اخوي يقول ما انطر ساعه رديني و انا تنرفزت وماقتله خنروح متحف الشهداء
وديته البيت وانا افكر ساعه شنو اسوي فيها
قلت يلا من زمان احن ابي مبيض ورحت الصيدليه
طلعلي اول شي هذا
اول شي ماتشجعتله كلش شكله ماعجبني
ولا يطلعلي بعدين نوعين قتله ايهو احسن قالي هذا و قال ان اهوا يستخدمه و اكثر طلبيه عليه قلت يـلا
وبعدين سألته متى تبين النتايج قالي اسبوعين انا استانست والله مبجر اسبوعين عبالي شهر شهرين
ويلا بجربه و نشوف شيسير :)
عقبها ياربي اشوف الساعه ليلحين مارمت الساعه شسوي شسوي
يـلا الغانم ابي فـلاش
رحت و هم طلعلي انواع وايد بس ولا واحد دش مزاجي كلهم الوانهم مو حلوه << انا آخذ ع الشكل
كنت ابي وردي يلوق مع عغرفتي او زيبرا فديتني اتشرط بعد
بس ماكو
بعدين طلعلي هذا

اول شي شدني فيه رسمه الـ usb يوم خذيته كنت مستغربه ليش ع العلبه مالته رسمه فراوله

و مكتوب ع الفلاش fresh

يوم رديت البيت و بطلته ولا ريحه فراوله

وناسه طلع فلاشي كشخه مو اي شي

واشوف الساعه ياربي هم ماطافت ساعه وين اروح وين اروح

ولا اتذكر اني من قبل رمضان كنت اقول ابي سمج

بيــه سارلي شهر و ماعبروني

يـلا خل انا اعبر روحي

وشريت 3

بس ليلحين ماسميتهم

فديتهم طلعو نفسي مايحبون يصورون عانيت ع ماصورتهم

بس لازم يتغيرون لاني بديت احب اصور لووول شالسبب الله و اعلم :P

هم مارمت الساعه قلت ماكو الا اروح المصور

رحت ولا تقولي 2 minutes طبعا حجي قعدت ربع ساعه

بس اشوه كان في بنت تينن اسم الله عليها قعدت اسولف معاها و اهيا بس تقول براك وبراك عقدتني

تشوف الصور و تقولي براك اقولها اي بعدين تقولي علاو هم اقولها اي وهقتني

يحليلها الله يخليها لأهلها

**

وبعدين وانا احوس بالجمعيه سار شي مستغربه منه ليلحين

وانا طالعه من المكتبه ( رحت المكتبه اضيع وقت و قلت حسافه جان زين ادرس و اشتري اغراض )

كان في صبيين ولا واحد يقول حق الثاني مو بس انا مريض وانا عاديت 3 معانا

انا انصدمت هـاااا :O مريض ليكون انفلونزا الخنازير

ولا مستانس معادي 3

ما اقول الا الله يحفظنا و يبعد الشر عنا

والله يشافي كل مريضـ

see U

27 سبتمبر 2009

تكملـه الترفيهيه

اول شي سووري بوست الترفيهيه كله بدليات
و وايد غلطات مطبعيه
بس معنااااااه كل ما احط تحرير بقعد اعدل وواكمل الجهاز كله يعلق :S
من غير اخوي الاشتراك و انا مو مترقعه ويع ويع يعلق الجهاز ولازم ريستارت
فما يسوى علي تعبت
و الصراحه عيزانه ارد اكتب مره ثانيه :P
فاللي مو فاهم كلمه ولا شي يقولي اشرحها او اوضحها :P
بالنهايه بغيت اكتب موقف من المواقف الغريبه و اللي تضحك بنفس الوقت
كنا بالصاله نبي نصور
صورنا انا و اختي ( الصوره اللي تطلع مرسومه ابيض و اسود ع ورقه A4 )
بالجهاز او الآله اللي صورنا فيها براا تطلع الصوره
انا وياها صورنا خلصنا طلعنا ولا نشوف بنتين مجابلين صورتنا عدل
ولا اللي خلى تطلع فوق راسي علامه تعجب ان وحده تقول حق الثانيه نادي فلانه
شدعواا صج صج استغربت
يعني لو الصوره حلوه و لو اللقطه عاجبتكم او حتى طريقه الصوره عاجبتكم
ماكان له داعي جي توقفون و تنادون باجي عايلتكم
ولا اختي ما كان عاجبها الوضع كل شوي تقول يلا يلا بغطي الصوره و تحط فوقها شي وهم اهما واقفين
جي جم مره سوتها غطت الصوره بس هم مصرين ع الوقفه
وبــس هذه رحله الترفيهيه
سلملم :D

25 سبتمبر 2009

المـدينهـ الترفيهيـه

السـلااام عليكم
شلونكمـ شخباركمـ
اليـووم او بمعنى أصح امس رحنا المدينه الترفيهيه
بعد عناااااء طويــــــــل
السبب الاول كل مره نقول بنروح و نتفق اخير شي مانروح ومرتين سارت هالسالفه
هالمره لا اتفقنا قبلها بيوم ورحنا اني يوم
بس هم سار عنااء على ماتجمعناا
حوسه بين المناطق ع ماسار التجمع
المهم اخير شي رحنا ووصلنا و ردينا بالسـلاامه
بالبدايهـ نسيت اصور البوابه الرئيسيه يلا ماعليه كان حر و زحمه
ماكانت الزحمه وايده يعني زين كان
اول مادشيت استغربت
النافوره اللي تكون اول ماندش
مافي الا 4 يهال قاعدين عليها غريبه
كل مره دور مدارها وايد قاعدين
وبعدين لا طلعت نظيفه بعد
ي ان توهـ منظفينها يا ما ايو ناس و قطو وصخ فيها
كملنا مشينا ولا جدامنا 1اك العركوز او الانسان الطويل
مادري المهم حسيته يرحب فينا ويقول زين ايتوو :P
وبعدين سار شي غريب
ألا وهو مريت فوق الجسر اللي يكون تحتنا ماي و ماخفت
امبي انجاااز من بعد 19 سنه امشي عليه وعادي ما اخاف
انا اتذكر كل مره يوم ايي امشي بسرعه فوقه كله اخاف ينكسر
انزين لو بينكسر خو تحتي مو محيط بس هم كنت اخاف
بس اليوم كان عادي عندي و استانست بعد اني ماخفت لوووووول
المهم
كملنا طريجنا بس طبعا وقفنا اللي شرا برد و اللي بطاط
كلنا ماكنا متغديين و كلنا نقول يواعه بس مانبي ناكل نبي نلعب
اول شي لازم العرف العائلي او اللي عند اغلب الشعب الكويتي
اول لعبه تكون السندباد بس للأسف هالمره كانت زحمه
وماكان يسوىعلينا ننطر عشان اللعبه واحنا حافظينها
قلنا يالله اللي عقبهاا وطبعا تكون لعبه الحصن
ركبناها كلنا صغار كبار كلنا كلنا ونـااااسه
وهذا كان حصاااني من اولماوقفت اللعبه كنت حاطه عيني عليه و اشوه محد خذاه :D
خلصناا عقبها قعدنا نفكر نركب المنخل ولا مانركب نركب ولا مانركب
وبعد تفكيــــــر قلنا نركب لان ماكان زحمه ولا جمهور قبال اللعبه مثل كل مرهـ
وعقبها رحنا نلعب اللعبه اللي يكون حصان ونحظف كور ويمشي واللي اسرع ياخذ دب
هذه اهيا
واللعبه ماشاء الله كلنا قعدنا فيها
يعني الـ 10 كراسي لناا
بس استغربت عطونا كوره وحده اللي اتذكره قبل 3
واللي ازت بنت خالتي و ربحت اسد
حسافه نسيت اصوره
خلصنا وكملنا مسيرنا :P
وين نروح وين نروح
رحنا النسر الطائر
وكنت اول مره بركبه
المره اللي طافت يوم ايينا الترفيهيه بغيت اركبها بس للأسف محد ركبها
فالحمدلله هالمره ركبوها
وكنت انا وبنت خالتي بمركبه وحده
وكاهي مركبتنااا
وطلعت اللعبه بس ادور وادور وادور
وانا كل دقيقه اقول حق بنت خالتي اللعبه طلعت مليقه
لما عصبت وقالت انزين jojo بس لا تحنين عاد ولا اسكت
قلت خل اطل ولا القى نفسنا فوق
و المنظر تحت مش ولا بد
طبعا شفت جذي الدوخه زادت بس اشوه صورت :P
قلت ماكو الا اسند راسي وصج سندت راسي وغمضت عيوني
ولا اسمع اختي تقول شفيها jojo شنو اغمى عليها
عاد مادري صج كانت تسأل ولا تتطنز علي مادري لووول
المهم قتلها لا
وتمت اللعبه ادور وادور بس مليت
وغصب خلصت والحمدلله افتكيت منها
عقبها بس مو متغدين ويواعه وبظلنا مجود باللعب مع ان كل دقيقه كنا نوقف عند كشك
اللي تاخذ ماي و اللي جاي و اللي شعر البنات و اللي واللي
ماقصرنا
عاد انا خذيت ذره
يمي يمي كانت لذيذه
لا يابسه ولا ناعمه
بس لو كانت حباتها شوي اكبر جان كانت اروع
المهم عقبها رحنا الدردور
وهم كلنا لعبناا
الحلو بالموضوع ان مكتوب ممنوع ادخال المؤكلات واحنا كلنا جاشين وبيدنا اكل
بس قبل لا نوصل كنا مخلصين
الدردور لويه ودخلته طويله ليش مودري
يمكن عشان اللي مايسمع الكلام يخلص اكله على مايوصل
فكره ترى :P
عقبها انا شفت رفيجتي قعدت اسولف معاها ولا اهم رايحيين ولعبو البرق
انقهرت انا كنت احن ابي العب البرق لعبو ومانطرني :(
ويوم قتلهم طلعو عذر اني اخاف صج انا اخاف بس كنت بلعبها
لان لاعبتها من قبل بس ما اتذكر الا انها تقلب وايد وماكنت مستوعبه لاني مخترعه واخو ماقصر كان يزيد خرعتي
بس يالله عليهم بالعافيه
المره اليايه راح العبها ان شاء الله :D
عقبها وين رحناا امممم
اي تعشينا وتمشينا شوي
و بعدين رحنا مكان غريب
انا عن نفسي اول مره اروحله و اول مره اشوفه
و اول مره ادري اصلا ان في مقهى بالترفهيه
مانصدمت من شي الا من النافوره اللي صوب المقهى
بالصـورره مافيها شي بس بالواقع اطراف النافوره جااافه وشكلها يكسر الخاطر
و الصخر لو عنده لسان جان قال ليش الماي مايوصلي
وطبعا غير الوصاخه المقطوطه
و الروحه كات مليئه بالمواقف الطريفه و الغريبعه و الابدداعيه