12 أكتوبر 2009

مرق ديـاي & عصـير ليمون

هــاااي

شلونكم شخبااركم

اشتقتلكم :)

قبل جم يوم كنت رايحه بيــت خالتي بنام عندها

اقصد بسهر عندها لان ما انام نقعد نقرق طول اليوم

المهم الساعه 11 بليل قالت خنسوي غدا

لا تستغربون غدا لان بنسهر وماراح تقعد مبجر مايمديها تطبخ وحرام عيالها يردون من المدارس ماكو غدا قتلها اوكي

طبعا احنا مانبي نسويه بس بكون تحضير وباجر اهيا تكمل الباجي

وكان الغدا مرق دياي

انا يوم دريت ضاق خلقي اول شي ماحب المرق وبعدين استغفر الله شكل الدياي قبل لا ينطبخ غصب اتقبله

المهم نبدي بطبختنا البدايه بالمقاديــر

- ديـاي طبعا الكميه المطلوبه و يكون مقصص كل جزء

- معجون طماط ( مو كلمن يحط كل واحد وطبخته عاد :P)

- ثوم

- بهارات ( ملح ، فلفل ، هذا اللي اتذكره الباجي نسيت شنو :P )

- 5 ملاعق كبيـره زيت

- بطاط مقطع

- طماط مقطع

- بصل مقطع

- فلفل مقطع

الطريقــه:

اول شي نحط الدهن بالجدر

ونحط البصل نحمسه لما يسير لونه غامج شوي

عقبها نحط الثوم وبعدين الطماط

الطماط راح يسير ناعم ويكون فيه ماي

فنحط الدياي وفوقه البهارات

بعدين ننطر لما الدياي يسير لونه ابيض و يتشرب الماي الموجود

نحط المعجون وهم نحوس بالدياي فتره

بعدين نضيف البطاط و الفلفل ونصب فوقهم الماي

طبعا هذا مو الشكل النهائي للطبخه

بس هذا الشكل النهائي للتحضير

للأسف ماصورت الشكل النهائي لان كنت نايمه :P

و ع الطعم لا تسألوني ماذقته وبعدين الصراحه ابيتنا نسويه غير مو جذي يعني المكونات تختلف

طبعا التخضير بالكثير قولو يبيله ساعه

بس انا وخالتي قعدنا من الساعه 11 لي 1 الا 5 او 10 واحنا نسوي

ان شاء الله عاد عرفتو الطريقه لاني ما اعرف اشرح:P

واحنا نسوي خالتي طق براسها عصير ليمون

سويناااه بس اللي تعبنا عليه التزيين :P

كنت بقولكم طريقه التزيين بس خالتي قالت لا الحقوق محفوظه :) ودمتمـ

هناك 14 تعليقًا:

  1. بالعافيه يارب..

    وتسلم ايدج يارب..

    ردحذف
  2. عليييكم بلعاافيه

    واحلى شي السهر XD

    وخرابيط الليل ضحك وسوالف وفصلاات !!

    وخاصه لما تكونوون واايد !! :p

    زيين قولاي حق خالتج تعلمنا الطريقه شدعوه عليها

    =(

    ترا غرامي هالسوالف

    خل اكشخ جدام خالاتي واسويلهم بالزوااره

    يلا قولاي حق خالتج انتي طيبه واحنا نستااهل

    وسلمي عليها :*

    ردحذف
  3. تسلم ايدج وايد خالتج :))

    ماحب ولا مرق الا مرق باميا :)))


    والعصير شكله حلو ... بالعااااااااافيه


    مشكوره :)

    ردحذف
  4. رورو
    ____

    الله يعافيج و الله يسلمج حبـوبه

    ميرسي لنواجدج

    **

    نتفه
    ____

    الله يعافيج

    اي من ناحيه سوالف و ضحك بييه لا تقولين

    و عن الطريقه والله قتلها بحط قالت لها

    بس قدرت اعرف ان الطريقه من منال العالم عاد اذا بكتاب ولا برنامج مادري

    حـياااتي يوصل ان شاء الله

    والف شكر لتواجدج

    ردحذف
  5. جاي
    ___

    الله يسلمج حبيــبتي ويعافيج

    انا كل انواع المرق ماحبه استغفر الله ياربي


    العفوو حبيــبتي

    وحياج الله :D

    ردحذف
  6. بالعافية وتسلم أياديكم
    أنا بعد ما احب ولا نوع من المرقات..
    واما بالنسبة ل عصير الليمون ف أعرف طرقة التزيين

    اعتقد تحطين سكر مع لون وتقلبين الكوب وتغمسينه >> لوول :D

    يعطيج العافية على البوست

    ردحذف
  7. الله يعافيك ويسلمك

    يقولون اي :P

    شكلك متابع جيد للطبخ لوول



    الله يعافيك خيووو

    وميرسي لتواجدك

    ردحذف
  8. لووول اي شوي لنا تجارب

    لكن طريقة الشكر شفتها مرة ببرنامج للطبخ علشان جذي عرفت اطلريقة >>:D

    ردحذف
  9. عدل حركاات

    اي مواهب الشباب مايطلعون الا بالبر و الكشافه :P


    انا عن نفس يماكنت شايفتها بس يوم سوتها عجبتني

    بس اهم شي انها مو على كل قلاص تطلع مضبوطه < تتشرط الطريقه :P

    ردحذف
  10. ** بالعافية و قوليلها عصير الليمون اييب الحارج :)

    ردحذف
  11. شهيتيني بالأكل
    الحين ابي منج خوش عومة على هالطبخات اللي تينن
    اتمنى اني اصير صديقة لج

    ردحذف
  12. بالعافية
    ومطرح مايسري يمري

    تسلم ايدينج و يدين خالتج

    يعطيج العافية

    ردحذف
  13. شكلها حلوه الطريقه

    اكيد كل بيت له طريقته الخاصه في اعداد الوجبات

    وحلو ان الواحد يتعرف على الطقوس المطبخيه

    الخاصه بكل بيت :)

    ردحذف